Leygardagin 22. og sunnudagin 23. juli verður Tórshamar Open aftur hildin á breytini hjá Byrsumúla. Kappast verður bæði í OL-trap og í OL-skeet. Skotin verða 3 umfør (75 dúgvur) leygardag og 2 umfør (50 dúgvur) + finalur sunnudag.

Í báðum greinum verða ISSF-2017 finalurnar skotnar í Meistarabólkunum. Í A-bólkunum verða finalur skotnar (25 dúgvur í OL-trap og 20 dúgvur í OL-skeet).

Kappingarnar telja við í ymsu kappingunum og úttøkunum hjá Skjótisambandinum. Aftaná kappingarlok leygardagin eru allir skjúttar vælkomnir til ábit, har okkurt gott er lagt á grillina, eins og vanligt hevur verið til hesa kappingina. Byrjað verður at skjóta kl. 9 leygarmorgun og kl. 13 sunnudag. Allir skjúttar skulu møta í seinasta ein hálvan tíma frammanundan. Aftaná kappingarlok báðar dagarnar fara allir luttakarar at rudda breytina fyri dúgvubrot.

Kostnaðurin fyri kappingina er 750 kr., tó soleiðis at unglingar (undir 21 ár) rinda 100 kr. Serlig heiðursmerki eru gjørd til kappingina, eins og góðir vinningar verða latnir. Allir luttakarar vinna onkran vinning.

Tilmelding fer fram við at senda ein teldupost til byrsumuli@gmail.com í seinasta lagi mikukvøldið 19. juli, kl. 20. Luttøkugjaldið kann rindast kontant leygarmorgunin ella verða flutt á konto 9181 – 515.875.5 í seinasta lagi hósdagin.

Kappingin er skipað soleiðis, at skotin verða 3 umfør á 25 dúgvur. Aftaná fara 6 teir fremstu í ovaru helvtini í eina meistarafinalu (eyka umfar) og 6 teir fremstu í niðaru helvtini í eina A-finalu (eyka umfar). Byrjað verður at skjóta kl. 13. Úrslitini frá kappingini síggjast her: https://docs.google.com/spreadsheets/d/1KJ4O0HKrsoWcA-ZADfv_BbhD-n6hCaawqKtxpqCM6w0/edit?usp=sharing

Sunnudagin 2. juli, kl. 13 verður kapping í english skeet á breytini hjá Byrsumúla. Skotin verða 3 umfør, og síðan verða finalur alt eftir luttakaratalinum. Kostnaðurin fyri kappingina er 250 kr. (tó rinda skjúttar 21 ár og yngri 100 kr.), sum verður goldið við kappingarbyrjan. Tilmelding fer fram við at senda sms boð til Herleif Hammer, 221668 í seinasta lagi fríggjakvøldið kl. 20.

Úrslitið frá kappingini sæst her:

https://docs.google.com/spreadsheets/d/18yH-gRMGFBodQmFQQSVUSSJH_KvewTvXIrJsDpZwa14/edit?usp=sharing

Leygardagin 24. juni 2023 verður Jóansøkukappingin í OL-trap hildin á breytini hjá Byrsumúla á Sandvíkum.

Skotin verða 3 innleiðandi umfør, sum telja við í Føroya Cup 2023.
Finalur vera í meistarabólkinum (ISSF-2017 finala) og A-bólkinum (25 dúgvur), um nóg nógvir luttakarar vera. Endaplássið í meistarafinaluni telur við í Grand Prix kappingini fyri trap í 2023.

Byrja verður at skjóta klokkan 09:00, og skjúttar møta í seinasta lagi kl. 08:30.

Prísurin fyri kappingina er 300 kr., tó 100 kr. fyri unglingar. Upphæddin verður flutt frammanundan ella goldin kontant við kappingarbyrjan.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 22. juni, kl. 20:00.

Skotin verða trý umfør. Síðan fara 6 teir fremstu skjúttarnir í eina meistarafinalu og teir næstu í eina A-finalu. Meistarafinalan verður skotin eftir ISSF 2017-reglum. Í A-finaluni verður skotið eftir 25 dúgvum við einum skoti. Úrslitini frá kappingini síggjast her:

https://docs.google.com/spreadsheets/d/1H3BWl-keWLBsSJSss-OyxKyM4GOj2kK9waWBNF5akl4/edit?usp=sharing

Vármúlakappingin í OL-trap verður hildin á breytini hjá Byrsumúla á Sandvíkum leygardagin 27. mai.

Kappingin er í OL-trap, og fyrstu 3 umførini telja m.a. við í Føroya Cup.

Meistarafinalurnar verða skotnar við ISSF finalum frá 2017. Endaplássini frá nr. 1-4 telja við í Grand Prix kappingini.

Trap finalan í A-bólkinum verður avgjørd við at skjóta 25 dúgvur við einum skoti.

Byrja verður at skjóta klokkan 09:00, og møtt verður í seinasta lagi kl. 08:30.

Prísur fyri kapping: 300 kr., tó rinda unglingar (upp til 21 ár) 100 kr.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 25. mai kl. 20:00.

Skotin verða trý umfør í ávikavist OL-trap ella OL-skeet (75 dúgvur). Aftaná verða finalur í einstøku greinunum, og at enda skjóta trýggir teir fremstu í OL-trap og OL-skeet frá innleiðandi umførunum eitt umfar afturat, har hesir 6 skjúttarnir kappast móti hvørjum øðrum um sjálvt Simme Cup.

Úrslit frá Simme Cup kappingini síggjast her:

https://docs.google.com/spreadsheets/d/1kGSBAGLYdRsKoybWHEMQTjrxwYWQgIRRP5E_qCgCCJY/edit?usp=sharing

Leygardagin 13. mai verður 12. Simme Cup kappingin hildin á skjótibreytini hjá Veiðifelagnum Byrsumúla.

Kappingin er í OL-skeet og OL-trap, og fyrstu 3 umførini telja m.a. við í Føroya Cup fyri trap og skeet í 2023.

Meistarafinalurnar verða skotnar við ISSF finalum frá 2017 í báðum greinum. Endaplássini frá nr. 1-4 telja við í Grand Prix kappingini fyri trap og skeet í 2023.

Trap finalan í A-bólkinum verður avgjørd við at skjóta 25 dúgvur við einum skoti. Skeet finalan í A-bólkinum verður avgjørd við at skjóta 20 dúgvur á platti 3, 4 og 5.

Eftir finalurnar verður sjálv Simme Cup kappingin, har tríggir teir bestu skjúttarnir í ávikavist skeet og trap frá fyrstu trimum umførunum skjóta eftir 25 dúgvum í part.

Ongin morgunmatur verður, men okkurt verður til matna á middegi.

Byrja verður at skjóta klokkan 09:00, og møtt verður í seinasta lagi kl. 08:30.

Eftir kappingina verður ábit fyri allar luttakarar og fyri limir úr øllum skjótifeløgum í Føroyum.

Prísur fyri kapping: 300 kr., tó rinda unglingar (upp til 21 ár) 100 kr.

Prísur fyri ábit: 150 kr.

Seinasta freist at boða frá luttøku til kappingina í ávikavist OL-trap ella Skeet og/ella til ábit er mikukvøldið, 10. mai, kl. 20 við telduposti til byrsumuli@gmail.com. Í tilmeldingini skal upplýsast navn á luttakara, felag, kappingargrein, og hvørt ein ynskir at luttaka til ábit.

Áðrenn heiðursmerkjahandanina verður farið at rudda breytina.

Breytin er opin fyri venjing hjá teimum, sum hava meldað til kappingina, hósdagin kl. 17-19.