Leiga breytina til polterabend, firmaskjóting ella aðra hugnaskjóting
Tað ber til at leiga breytirnar til privata skjóting, uttanfyri vanligu skjótitíðirnar í tíðarskeiðinum frá 1. mars til 31. oktober.
Veljast kann millum tveir pakkar.
Pakki A. 25 skot og 25 dúgvur fyri 325 kr. / persón.
Pakki B. 15 skot og 15 dúgvur fyri 275 kr. / persón.
Rindast skal fyri í minsta lagi 6 persónar.
Um fleiri umfør (25 skot) verða skotin, kosta eftirfylgjandi umfør 250 kr.
Um ongin avtala er gjørd frammanundan, skal rindast kontant á staðnum, áðrenn byrja verður at skjóta.
Byrsu, patrónir, dúgvur, hoyrivernd, verndarbrillur og skjótivegleiðing fáa/læna tit frá okkum. Tit skulu bert møta upp, ílatin eftir veðrinum.
Tað er strangliga bannað, at møta upp ávirkaður av alkoholi, ella at hava alkohol við sær á sjálva breytina. Eftir skjótingina, kann alkohol njótast inni í okkara felagshølum ella uttanfyri á terrasuni.
Bílegg breytina við at senda teldupost til hugnaskjoting@gmail.com, minst til at skriva kontakt telefon nummar, so vit fáa samband við tykkum, um tað skuldi verið okkurt.
Veiðifelagið Byrsumúli 