Kapping í english skeet

Sunnudagin 2. juli, kl. 13 verður kapping í english skeet á breytini hjá Byrsumúla. Skotin verða 3 umfør, og síðan verða finalur alt eftir luttakaratalinum. Kostnaðurin fyri kappingina er 250 kr. (tó rinda skjúttar 21 ár og yngri 100 kr.), sum verður goldið við kappingarbyrjan. Tilmelding fer fram við at senda sms boð til Herleif Hammer, 221668 í seinasta lagi fríggjakvøldið kl. 20.

Jóansøkukappingin 2023

Leygardagin 24. juni 2023 verður Jóansøkukappingin í OL-trap hildin á breytini hjá Byrsumúla á Sandvíkum.

Skotin verða 3 innleiðandi umfør, sum telja við í Føroya Cup 2023.
Finalur vera í meistarabólkinum (ISSF-2017 finala) og A-bólkinum (25 dúgvur), um nóg nógvir luttakarar vera. Endaplássið í meistarafinaluni telur við í Grand Prix kappingini fyri trap í 2023.

Byrja verður at skjóta klokkan 09:00, og skjúttar møta í seinasta lagi kl. 08:30.

Prísurin fyri kappingina er 300 kr., tó 100 kr. fyri unglingar. Upphæddin verður flutt frammanundan ella goldin kontant við kappingarbyrjan.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 22. juni, kl. 20:00.

Vármúlakappingin í OL-trap

Vármúlakappingin í OL-trap verður hildin á breytini hjá Byrsumúla á Sandvíkum leygardagin 27. mai.

Kappingin er í OL-trap, og fyrstu 3 umførini telja m.a. við í Føroya Cup.

Meistarafinalurnar verða skotnar við ISSF finalum frá 2017. Endaplássini frá nr. 1-4 telja við í Grand Prix kappingini.

Trap finalan í A-bólkinum verður avgjørd við at skjóta 25 dúgvur við einum skoti.

Byrja verður at skjóta klokkan 09:00, og møtt verður í seinasta lagi kl. 08:30.

Prísur fyri kapping: 300 kr., tó rinda unglingar (upp til 21 ár) 100 kr.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 25. mai kl. 20:00.

12. Simme Cup 2023

Skotin verða trý umfør í ávikavist OL-trap ella OL-skeet (75 dúgvur). Aftaná verða finalur í einstøku greinunum, og at enda skjóta trýggir teir fremstu í OL-trap og OL-skeet frá innleiðandi umførunum eitt umfar afturat, har hesir 6 skjúttarnir kappast móti hvørjum øðrum um sjálvt Simme Cup.

Úrslit frá Simme Cup kappingini síggjast her:

https://docs.google.com/spreadsheets/d/1kGSBAGLYdRsKoybWHEMQTjrxwYWQgIRRP5E_qCgCCJY/edit?usp=sharing

12. Simme Cup 2023

Leygardagin 13. mai verður 12. Simme Cup kappingin hildin á skjótibreytini hjá Veiðifelagnum Byrsumúla.

Kappingin er í OL-skeet og OL-trap, og fyrstu 3 umførini telja m.a. við í Føroya Cup fyri trap og skeet í 2023.

Meistarafinalurnar verða skotnar við ISSF finalum frá 2017 í báðum greinum. Endaplássini frá nr. 1-4 telja við í Grand Prix kappingini fyri trap og skeet í 2023.

Trap finalan í A-bólkinum verður avgjørd við at skjóta 25 dúgvur við einum skoti. Skeet finalan í A-bólkinum verður avgjørd við at skjóta 20 dúgvur á platti 3, 4 og 5.

Eftir finalurnar verður sjálv Simme Cup kappingin, har tríggir teir bestu skjúttarnir í ávikavist skeet og trap frá fyrstu trimum umførunum skjóta eftir 25 dúgvum í part.

Ongin morgunmatur verður, men okkurt verður til matna á middegi.

Byrja verður at skjóta klokkan 09:00, og møtt verður í seinasta lagi kl. 08:30.

Eftir kappingina verður ábit fyri allar luttakarar og fyri limir úr øllum skjótifeløgum í Føroyum.

Prísur fyri kapping: 300 kr., tó rinda unglingar (upp til 21 ár) 100 kr.

Prísur fyri ábit: 150 kr.

Seinasta freist at boða frá luttøku til kappingina í ávikavist OL-trap ella Skeet og/ella til ábit er mikukvøldið, 10. mai, kl. 20 við telduposti til byrsumuli@gmail.com. Í tilmeldingini skal upplýsast navn á luttakara, felag, kappingargrein, og hvørt ein ynskir at luttaka til ábit.

Áðrenn heiðursmerkjahandanina verður farið at rudda breytina.

Breytin er opin fyri venjing hjá teimum, sum hava meldað til kappingina, hósdagin kl. 17-19.

Ruddingar- og arbeiðsdagur leygardagin 6. mai 2023

Byrsumúli skipar fyri ruddingar- og arbeiðsdegi leygardagin 6. mai. Heitt verður á allar limir okkara og onnur áhuga um at møta fjølment. Møguleiki er at luttaka fyrrapart, seinnapart ella allan dagin, kl. 9-16.

Tey, sum luttaka fáa eina samsýning fyrrapart og/ella seinnapart. Okkurt verður eisini til matna á middegi. Fólk kunnu boða frá luttøku við at senda ein teldupost til byrsumuli@gmail.com við boðum um, hvørt mann luttekur fyrrapart (kl. 9-12), seinnapart (kl. 13-16) ella allan dagin.

Jú fleiri møta, jú hugnaligari og stuttligari gerst dagurin, og úrslitið so mikið betur.

Nevndin

Skjóting fyri ung

Byrsumúli fer aftaná páskaferiuna at skipa fyri átaki, har ung fólk, gentur og dreingir undir 21 ár, kunnu koma at royna leirdúgvuskjóting í skipaðum og tryggum kørmum.

Tú teknar teg sum lim í Byrsumúla, og kanst fyri 150 kr. (íroknað limagjald á 100 kr.) royna at skjóta á breyt okkara 5 ferðir (á 25 skot/dúgvur).

Skjótingarnar vera mikukvøld frá kl. 17, tá einki annað virksemi er á breytini, og tit bíleggja tíð hjá okkum. Byrja verður mikudagin 12. apríl 2023, kl. 17.

Góðkendur skjótivegleiðari tekur sær av frálæruni, bæði í trygd og í skjóting.

Øll neyðug útgerð er á breytini.

Um tú ert undir 18 ár, skal foreldur/verji geva loyvi til, at tú kanst luttaka í hesum átaki.

Meira fæst at vita um átakið við at venda sær til:
Jón Jacobsen, form. á tlf. 599699 ella
Johnhard Klettheyggj, skjótivegleiðara á 520294

Tú kanst eisini skriva til okkara á byrsumuli@gmail.com.