Skotin verða trý umfør leygardag og tvey umfør sunnudag, áðrenn farið verður at skjóta finalur. 6 teir fremstu skjúttarnir í hvørjari grein skjóta eina Meistarafinalu eftir ISSF 2017-reglunum. Hinir skjóta eina A-finalu (20 dúgvur í skeet og 25 dúgvur í trap).

Byrjað verður kl. 9 leygarmorgun og kl. 13 sunnudag. Tað ber til at fylgja við kappingini á hesari leinkju:

https://docs.google.com/spreadsheets/d/1M53S76bw97rnGHgaBPyCNJ-KcvhVE9R7Dl5kRz3Sqvs/edit?usp=sharing

Leygardagin 20. og sunnudagin 21. juli verður Tórshamar Open aftur hildin á breytini hjá Byrsumúla. Kappast verður bæði í OL-trap og í OL-skeet. Skotin verða 3 umfør (75 dúgvur) leygardag og 2 umfør (50 dúgvur) + finalur sunnudag.

Í báðum greinum verða ISSF-2017 finalurnar skotnar í Meistarabólkunum. Í A-bólkunum verða finalur skotnar (25 dúgvur í OL-trap og 20 dúgvur í OL-skeet).

Kappingarnar telja við í ymsu kappingunum og úttøkunum hjá Skjótisambandinum. Aftaná kappingarlok leygardagin eru allir skjúttar vælkomnir til ábit, har okkurt gott er lagt á grillina, eins og vanligt hevur verið til hesa kappingina. Byrjað verður at skjóta kl. 9 leygarmorgun og kl. 13 sunnudag. Allir skjúttar skulu møta í seinasta ein hálvan tíma frammanundan. Aftaná kappingarlok báðar dagarnar fara allir luttakarar at rudda breytina fyri dúgvubrot.

Kostnaðurin fyri kappingina er 750 kr., tó soleiðis at unglingar (undir 21 ár) rinda 100 kr. Serlig heiðursmerki eru gjørd til kappingina, eins og góðir vinningar verða latnir. Allir luttakarar vinna onkran vinning.

Tilmelding fer fram við at senda ein teldupost til byrsumuli@gmail.com í seinasta lagi hóskvøldið 18. juli, kl. 20. Luttøkugjaldið kann rindast kontant leygarmorgunin ella verða flutt á konto 9181 – 515.875.5 í seinasta lagi hósdagin.

Skotin verða trý umfør á 25 dúgvur. Síðan verða bólkað upp, so ovara helvtin er í Meistarabólkinum (9 skjúttar) og hinir í A-bólkinum. 5 teir ovastu í Meistarabólkinum skjóta eitt fjórða umfar um at vinna kappingina, og 5 teir ovastu í A-bólkinum skjóta um at vinna A-bólkin.

Til ber at fylgja við kappingini her:

https://docs.google.com/spreadsheets/d/1SJGe5MDY7d4g-DhEYG6_Ax7NvF1GFo169UyTnIhD5jM/edit?usp=sharing

Leygardagin 29. juni verður kapping í english skeet á breytini hjá Byrsumúla á Sandvíkum. Skotin verða trý umfør á 25 dúgvur, og síðan verða finalur skotnar – alt eftir luttakaratalinum. Tilmelding fer fram við at senda ein teldupost til byrsumuli@gmail.com í seinasta lagi hóskvøldið 27. juni, kl. 20. Kostnaðurin fyri kappingina er 300 kr. fyri vaksin og 100 kr. fyri unglingar upp til 21 ár.

Byrjað verður at skjóta leygarmorgunin kl. 9.00, og skjúttarnir møta á breytini kl. 8.30.

Hjartaliga vælkomin til eina hugnaliga og heldur øðrvísi kapping, enn vit eru von við í Føroyum.

Hósdagin kl. 17 verður venjing í english skeet fyri tey, sum hava meldað til kappingina.

Skotin verða trý umfør á 25 dúgvur. Síðan fara seks teir fremstu í eina meistarafinalu (ISSF-2017 reglur) og hinir skjóta eina A-finalu á 25 dúgvur. Fylg við kappingini her:

https://docs.google.com/spreadsheets/d/1Nw2q9TtNK_zYhjYoscReUqHuhH1_qzYv0rQxYYJaQvo/edit?usp=sharing

Leygardagin 22. juni 2024 verður Jóansøkukappingin í OL-trap hildin á breytini hjá Byrsumúla á Sandvíkum.

Skotin verða 3 innleiðandi umfør, sum telja við í Føroya Cup 2024.
Finalur vera í meistarabólkinum (ISSF-2017 finala) og A-bólkinum (25 dúgvur), um nóg nógvir luttakarar vera. Endaplássið í meistarafinaluni telur við í Grand Prix kappingini í 2024.

Byrja verður at skjóta klokkan 09:00, og skjúttar møta í seinasta lagi kl. 08:30.

Prísurin fyri kappingina er 300 kr., tó 100 kr. fyri unglingar (undir 21 ár). Upphæddin verður flutt frammanundan ella goldin kontant við kappingarbyrjan.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 20. juni, kl. 20:00.

Hóskvøldið kl. 17 verður venjing í english skeet fyri tey, sum hava meldað til kappingina.

Skotin verða trý umfør á 25 dúgvur. Síðani fara 6 teir fremstu skjúttarnir í eina ISSF-meistarafinalu (2017-reglur). Hinir skjóta eina A-finalu eftir 25 dúgvum. Byrjað verður at skjóta leygarmorgunin kl. 9.00. Møtt verður kl. 8.30.

Úrslitini frá kappingini kunnu síggjast her:

https://docs.google.com/spreadsheets/d/1oGDc38hwOKJEPy1k1bCuME3Ypp1oTzkZaVeFN-sHkA0/edit?usp=sharing

Vármúlakappingin í OL-trap verður hildin á breytini hjá Byrsumúla á Sandvíkum leygardagin 25. mai.

Kappingin er í OL-trap, og fyrstu 3 umførini telja m.a. við í Føroya Cup.

Meistarafinalurnar verða skotnar við ISSF finalum frá 2017. Endaplássini frá nr. 1-6 telja við í Grand Prix kappingini.

Trap finalan í A-bólkinum verður avgjørd við at skjóta 25 dúgvur við einum skoti.

Byrja verður at skjóta klokkan 09:00, og møtt verður í seinasta lagi kl. 08:30.

Prísur fyri kapping: 300 kr., tó rinda unglingar (upp til 21 ár) 100 kr.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 23. mai kl. 20:00.

Kappast verður í ávikavist Skeet og OL-trap; 3 umfør verða skotin og síðan verða 2017-finalur skotnar í Meistarabólkunum. Í A-bólkinum í skeet verður skotin finala á 20 dúgvur, og í A-bólkinum í trap verður skotin finala á 25 dúgvur.

Aftaná kappingarnar í Skeet og OL-trap verður skotið um Simme Cup, har tríggir teir bestu í hvørjari grein innleiðandi, skjóta eitt umfar afturat. Stendur á jøvnum, verða innleiðandi umførini avgerandi (samlað tal og síðan pr. rundu talt aftureftir).

Úrslitini frá kappingini síggjast her:

https://docs.google.com/spreadsheets/d/12h6rdiSHU6svnVxMt_aMWdnLKjx8XKzM9JO-o6iV04o/edit?usp=sharing

Leygardagin 4. mai verður 13. Simme Cup kappingin hildin á skjótibreytini hjá Veiðifelagnum Byrsumúla.

Kappingin er í OL-skeet og OL-trap, og fyrstu trý umførini telja m.a. við í Føroya Cup í OL-trap og OL-skeet í 2024.

Meistarafinalurnar verða skotnar við ISSF finalum frá 2017 í báðum greinum. Endaplássini frá nr. 1-6 telja við í Grand Prix kappingini fyri trap og skeet í 2024.

Trap finalan í A-bólkinum verður avgjørd við at skjóta 25 dúgvur við einum skoti. Skeet finalan í A-bólkinum verður avgjørd við at skjóta 20 dúgvur á platti 3, 4 og 5.

Eftir finalurnar verður sjálv Simme Cup kappingin, har tríggir teir bestu skjúttarnir í ávikavist skeet og trap frá fyrstu trimum umførunum skjóta eftir 25 dúgvum í part.

Ongin morgunmatur verður, men okkurt verður til matna á middegi.

Byrja verður at skjóta klokkan 09:00, og møtt verður í seinasta lagi kl. 08:30.

Eftir kappingina verður ábit fyri allar luttakarar og fyri limir úr øllum skjótifeløgum í Føroyum.

Prísur fyri kapping: 300 kr., tó rinda unglingar (upp til 21 ár) 100 kr.

Prísur fyri ábit: 150 kr.

Seinasta freist at boða frá luttøku til kappingina í ávikavist OL-trap ella Skeet og/ella til ábit er mikukvøldið, 1. mai, kl. 20 við telduposti til byrsumuli@gmail.com. Í tilmeldingini skal upplýsast navn á luttakara, felag, kappingargrein, og hvørt ein ynskir at luttaka til ábit.

Áðrenn heiðursmerkjahandanina verður farið at rudda breytina.

Breytin er opin hósdagin kl. 17-19 fyri venjing hjá teimum, sum hava meldað til kappingina.