10. Simme Cup 2021

Leygardagin 15. mai verður 10. Simme Cup kappingin hildin á skjótibreytini hjá Veiðifelagnum Byrsumúla.

Kappingin er í skeet og trap, og fyrstu 3 umførini telja við í úttøkuni til NSR og í Føroya Cup fyri trap og skeet í 2021.

Meistarafinalurnar verða skotnar við ISSF finalum í báðum greinum. Endaplássini frá nr. 1-6 telja við í Grand Prix kappingini fyri trap og skeet í 2021.

Trap finalan í A-bólkinum verður avgjørd við at skjóta 25 dúgvur við einum skoti.
Skeet finalan í A-bólkinum verður avgjørd við at skjóta 20 dúgvur á platti 3, 4 og 5.

Eftir finalurnar verður sjálv Simme Cup kappingin, har tríggir teir bestu skjúttarnir í ávikavist skeet og trap frá fyrstu trimum umførunum skjóta eftir 25 dúgvum í part.

Ongin morgunmatur verður, men okkurt verður lagt á grillina á middegi.

Byrja verður at skjóta klokkan 09:00, og møtt verður í seinasta lagi kl. 08:30.

Eftir kappingina verður ábit fyri allar luttakarar og fyri limir úr øllum skjótifeløgum í Føroyum.

Prísur fyri kapping: 250 kr.

Prísur fyri ábit: 150 kr.

Seinasta freist at boða frá luttøku til kappingina er hóskvøldið, 13. mai, kl. 20 á hesari leinkju:

https://forms.gle/f51oPDrYQTXAuSSw8

Tilmeldingar síggjast her:

https://docs.google.com/spreadsheets/d/14e3nuKypjJJP3yw7unk2viTXGGuDXJtfJ04XyiKZU0U/edit?usp=sharing

Ruddingardagur 8. mai 2021

Byrsumúli skipar fyri ruddingardegi leygardagin 8. mai. Heitt verður á allar limir okkara um at møta fjølment. Møguleiki er at luttaka fyrrapart, seinnapart ella allan dagin, kl. 9-16. Tey, sum luttaka fáa eina samsýning á 3 umfør fyrrapart og 3 umfør seinnapart. Okkurt verður eisini til matna á middegi. Tilmelding til dagin er á leinkjuni niðanfyri:

https://docs.google.com/forms/d/e/1FAIpQLSeQAaNtTOV8K77paPI0alP_TURxUrW7K7d1G0XcL31zcOPwTw/viewform?usp=pp_url

Hesi hava boðað frá luttøku:

Luttakarar til ruddingardagin – Google Sheets

Breytin opin hósdag og sunnudag

Nú klokkan aftur er flutt til summartíð og dagarnir harvið eru vorðnir longri, verður breytin eisini opin fyri almennari skjóting hósdagar kl. 17. Hetta merkir, at breytin verður opin bæði hósdag kl. 17 og sunnudag kl. 13.

Komandi hósdag, skírishósdag er tó opið sum sunnudag.

Tilmelding til F80

Leygardagin 27. mars 2021, verður F80 kappingin.

Skotið verður antin 3 umfør skeet + 1 umfar trap, ella 3 umfør trap + 1 umfar skeet.

Tann sum samlað hevur rakt mest, vinnur kappingina.

Byrja verður at skjóta klokkan 09:00, og møtt verður í seinasta lagið kl. 08:30.

Prísur: 250,00 kr.

Tilmeldingarfreistin er hóskvøldið 25. mars kl. 20:00

Leinkja til tilmelding:

https://forms.gle/a7rqJTY6eigycWS58

Síggja tilmeldingar:

https://docs.google.com/spreadsheets/d/1taJD-x_BB0n5L7Km7O8TfTBUKNgl-kzxhlMfUlk5l2k/edit?usp=sharing

Nevndin í Byrsumúla hevur skipað seg

Starvsnevndin 2021

Á nevndarfundi 11. februar hevur nevndin í Byrsumúla skipað seg soleiðis:

Jón Jacobsen, formaður
Finn Ludvig, næstformaður
Sigvald Zachariassen, kassameistari
Herleif Hammer, skrivari
Johnhard Klettheyggj, nevndarlimur

Esmar Joensen, sum hevur verið kassameistari í felagnum síðan 2015, hevur valt at taka seg úr nevndini. Esmar er formaður í Skjótisambandinum, og nú Skjótisambandið hevur fingið altjóða limaskap í ISSF, fer hetta at krevja alsamt meira av honum. Nevndin skilir tí væl avgerð hansara, og fer at takka honum fyri hansara týðandi leiklut í nevndini hesi 6 árini.

Starvsnevndin

Múlameistarakappingin 2021

Leygardagin 6. februar 2021 verður Múlameistarakappingin hildin á skjótibreytini hjá Veiðifelagnum Byrsumúla.

Kappingin er í skeet og trap, og skotið verður 3 umfør á 25 dúgvur. Skjútti ið hevur rakt flest dúgvur av 75, hevur vunnið. Um tað stendur á jøvnum í millum vinnarar, verður kappingin avgjørd við shoot-off.

Sum undanfarin ár, verður miða eftir, at manna ein bólk fyri óroyndar skjúttar. Á henda hátt ber til at hjá øllum at kappast á einum ítróttaligum grundarlagið.

Byrja verður at skjóta klokkan 10:00, og møtt verður í seinasta lagið kl. 09:30.

Tilmeldingarfreistin er fríggjakvøldið 5. februar 2021 kl. 20:00.

Kappingin er innanhýsis limakapping fyri allar limir hjá Veiðifelagnum Byrsumúla, og kappingin er ókeypis fyri limir, ið hava goldið limagjaldið fyri 2021. Annars kostar hon 250,00 kr.

Sama dag kl. 16:00 verður árligi aðalfundurin hjá felagnum, sí skrá v.m. niðanfyri á heimasíðuni.

Tilmelding: [ Trýst her ]

Listi við tilmeldingum: [ Trýst her ]

Aðalfundur í Veiðifelagnum Byrsumúla 2021

Árligi aðalfundurin hjá felagnum, verður leygardagin 6. februar 2021 kl. 16:00, í felagshølinum á Sandvíkum. Skráin er sambært lógum felagsins.

Ynskjast mál á skrá til “innkomin mál” skal frágreiðing sendast felagnum á teldupost byrsumuli@gmail.com í seinasta lagi leygardagin 30. januar 2021.

Eftir fundin bjóðar felagið ábit við onkrum góðum afturvið, og av tí at vit skulu keypa inn, hevði verði gott, um teir limir, ið bert ætla sær at luttaka á aðalfundinum, boða frá við at tilmelda seg her: https://bit.ly/vbm_adalfundur_2021_tilmelding

Múlameistarakappingin, sum er innanhýsis hugna kapping fyri limirnar í Veiðifelagnum Byrsumúla, verður sama dag. Sí meira kunning um kappingina omanfyri.

Vinarliga
Starvsnevndin