Leygardagin 25. oktobur 2025 verður seinasta kappingin í ár hildin á skjótibreytini hjá Veiðifelagnum Byrsumúla á Sandvíkum.

Kappingin verður skipað sum ein veiði- og sporting kapping. Programmið verður avdúkað leygarmorgunin, tá kappingin byrjar.

Skotin verða tvey innleiðandi umfør og síðani eitt finalu umfar.

Byrjað verður at skjóta kl. 9:30, og møtt verður í seinasta lagi kl. 09:00, tá ymsu skotplássini verða avdúkað.

Luttøkugjaldið er 350 kr., tó 100 kr. fyri unglingar undir 21 ár, og skal hetta rindast innan kappingina.

Av tí at nøkur av standplássunum eru á grasi, verður viðmælt at lata seg í fótbúna til endamálið.

Til harukappingina verður loyvt at brúka hálvautomatiskar og pumpgun byrsur.

Tilmelding fer fram við at senda ein teldupost til byrsumuli@gmail.com

Tilmeldingarfreistin er hóskvøldið 23. oktobur kl. 20:00.

Veiðifelagið Byrsumúli

Kappingin byrjar leygarmorgunin, kl. 9.30. Skotin verða trý umfør OL-trap, og síðan fara 6 teir fremstu skjúttarnir í eina Meistarafinalu.

Fylg við kappingini á hesari leinkjuni:

https://docs.google.com/spreadsheets/d/1bqB42TyH1ciSWRmJkzTzczAfa55d2f5zS1Zzi26JWIk/edit?usp=sharing

Ársins seinasta OL-trap kapping, Mikkjalsmessukappingin verður hildin á breytini hjá Byrsumúla leygardagin, 27. septembur, kl. 9.30. Skjúttarnir møta í seinasta lagi kl. 9.00.

Skotið verður eftir 75 dúgvum, og síðani fara 6 teir fremstu at skjóta ISSF-finalu (meistarabólkur), og alt eftir luttakaratalinum verður eisini ein A-finala (25 dúgvur).

Tilmelding fer fram við at senda ein teldupost til byrsumuli@gmail.com. Luttøkugjaldið er 350 kr fyri vaksin og 100 kr fyri unglingar (undir 21 ár), og skal verða goldið á konto 9181-515.875.5 í seinasta lagi á middegi fríggjadagin, 26. sept. 2025.

Hetta er eisini seinasta kappingin í Føroya Cup og Grand Prix kappingini fyri trap í ár. Støðan í hesum kappingum sæst á http://skot.fo. Harumframt telur kappingin við á styrkilistanum hjá Skjótisambandinum.

Tilmeldingarfreistin er hóskvøldið 25. septembur, kl. 20:00.

Breytin er opin hósdagin kl. 17-19 til venjing hjá teimum, sum luttaka í kappingini.

Leygardagin 6. septembur verður kapping í english skeet á breytini hjá Byrsumúla á Sandvíkum. Skotin verða trý umfør á 25 dúgvur, og síðan verða finalur skotnar – alt eftir luttakaratalinum. Tilmelding fer fram við at senda eini sms-boð til Herleif Hammer á fartlf. 221668 í seinasta lagi hóskvøldið 4. septembur, kl. 20. Kostnaðurin fyri kappingina er 350 kr. fyri vaksin og 100 kr. fyri unglingar upp til 21 ár.

Allir luttakarar í kappingini eru vælkomnir til ein betri bita aftaná, tá grillmeistarin borðreiðir við náta. Kostnaðurin fyri hetta er 150 kr.

Í sambandi við tilmeldingina verður mint á at boða frá, um man bert luttekur til kappingina, ella sum vit vóna, at man eisini luttekur til ábitið aftaná.

Byrjað verður at skjóta leygarmorgunin kl. 9.00, og skjúttarnir møta á breytini kl. 8.30.

Hjartaliga vælkomin til eina hugnaliga og heldur øðrvísi kapping, enn vit eru von við í Føroyum.

Hósdagin kl. 17 verður venjing í english skeet fyri tey, sum hava meldað til kappingina.

Leygardagin, 16. august fara vit at rudda á breytini. Vit fara at rudda upp í nýggja og gamla húsinum, eins og vit rudda túnini og skúrarnar, og fara at beina sum mest av óruddi burtur.

Byrjað verður við morgunmati kl. 9. Okkurt verður eisini til matna á middegi.

Heitt verður á allar limir okkara um at møta mannsterk til ein hugnaligan og sosialan dag. Onnur eru sjálvandi eisini vælkomin. Um ikki ber til at luttaka allan dagin, er man eisini vælkomin at vera við fyrrapart (kl. 9-12) ella seinnapart (kl. 12-15). Ongin skjóting verður á breytini hendan dagin.

Vit gleða okkum at síggja tykkum á breytini leygardagin.

Nevndin

Byrjað verður at skjóta leygardagin kl. 9, tá trý umfør verða skotin, og hildið verður fram kl. 13 sunnudagin, tá tvey umfør og finalur verða skotnar. Seinna dagin skjýtur bólkur tvey fyrst, og raðfylgjan í bólkinum er broytt. Vegna vantandi undirtøku í trap, verður finala bara skotin í meistarabólkinum, meðan tað bæði verða meistara- og A-finala í skeet sunnudagin.

Til ber at fylgja við kappingini á hesi leinkju:

https://docs.google.com/spreadsheets/d/15YoRVn23P01N9RVwRl6_YKdUos7rDbHhTuuCr97B50A/edit?usp=sharing

Leygardagin 26. og sunnudagin 27. juli verður Tórshamar Open aftur hildin á breytini hjá Byrsumúla. Kappast verður bæði í OL-trap og í OL-skeet. Skotin verða 3 umfør (75 dúgvur) leygardag og 2 umfør (50 dúgvur) + finalur sunnudag.

Í báðum greinum verða ISSF-2017 finalurnar skotnar í Meistarabólkunum. Í A-bólkunum verða finalur skotnar (25 dúgvur í OL-trap og 20 dúgvur í OL-skeet).

Kappingarnar telja við í ymsu kappingunum og úttøkunum hjá Skjótisambandinum. Aftaná kappingarlok leygardagin eru allir skjúttar vælkomnir til ábit, har okkurt gott er lagt á grillina, eins og vanligt hevur verið til hesa kappingina. Byrjað verður at skjóta kl. 9 leygarmorgun og kl. 13 sunnudag. Allir skjúttar skulu møta í seinasta ein hálvan tíma frammanundan. Aftaná kappingarlok báðar dagarnar fara allir luttakarar at rudda breytina fyri dúgvubrot.

Kostnaðurin fyri kappingina er 750 kr., tó soleiðis at unglingar (undir 21 ár) rinda 100 kr. Serlig heiðursmerki eru gjørd til kappingina, eins og góðir vinningar verða latnir. Av tí, at hetta er 10. Tórshamar kappingin hjá felagnum, verður lutakast um eitt gávukort frá Atlantsflog á 2.500 kr. millum allar skjúttar, sum hava luttikið í kappingini.

Tilmelding fer fram við at senda ein teldupost til byrsumuli@gmail.com í seinasta lagi hóskvøldið 24. juli, kl. 20. Luttøkugjaldið kann rindast kontant leygarmorgunin ella verða flutt á konto 9181 – 515.875.5 í seinasta lagi hósdagin.

Leygardagin 28. juni verður kapping í english skeet á breytini hjá Byrsumúla á Sandvíkum. Skotin verða trý umfør á 25 dúgvur, og síðan verða finalur skotnar – alt eftir luttakaratalinum. Tilmelding fer fram við at senda eini sms-boð til Herleif Hammer á fartlf. 221668 í seinasta lagi hóskvøldið 26. juni, kl. 20. Kostnaðurin fyri kappingina er 350 kr. fyri vaksin og 100 kr. fyri unglingar upp til 21 ár.

Byrjað verður at skjóta leygarmorgunin kl. 9.00, og skjúttarnir møta á breytini kl. 8.30.

Hjartaliga vælkomin til eina hugnaliga og heldur øðrvísi kapping, enn vit eru von við í Føroyum.

Hósdagin kl. 17 verður venjing í english skeet fyri tey, sum hava meldað til kappingina.

8 luttakarar hava boðað frá luttøku í Jóansøkukappingini í OL-trap. Seks teir fremstu skjóta eina ISSF2017-finalu og hinir eina finalu á 25 dúgvur, aftaná fyrstu trý umførini. Fylg við úrslitinum frá kappingini á hesari leinkjuni:

https://docs.google.com/spreadsheets/d/1UTLOothW1LrtIsxZhOhbMh6VIC_uhWxUK0jyh7qXX_g/edit?usp=sharing

Leygardagin 21. juni 2025 verður Jóansøkukappingin í OL-trap hildin á breytini hjá Byrsumúla á Sandvíkum.

Skotin verða 3 innleiðandi umfør, sum telja við í Føroya Cup 2025.
Finalur vera í meistarabólkinum (ISSF-2017 finala) og í A-bólkinum (25 dúgvur), um nóg nógvir luttakarar vera. Endaplássið í meistarafinaluni telur við í Grand Prix kappingini í 2025.

Byrja verður at skjóta klokkan 9:00, og skjúttar møta í seinasta lagi kl. 8:30.

Prísurin fyri kappingina er 350 kr., tó 100 kr. fyri unglingar (undir 21 ár). Upphæddin verður flutt frammanundan ella goldin kontant við kappingarbyrjan.

Tilmelding til kappingina fer fram við at senda ein teldupost til byrsumuli@gmail.com. Tilmeldingarfreistin er hóskvøldið 19. juni, kl. 20.

Hóskvøldið kl. 17 verður venjing í OL-trap fyri tey, sum hava meldað til kappingina.