Leygardagin 26. mars 2022 verður F80 kappingin hjá Byrsumúla á nýggju breytini í Sandvíkum. Breytin er ikki heilt liðug enn, men klárt verður tó at avgreiða kappingina, sum ætlað.

Skotið verður antin 3 umfør skeet + 1 umfar OL-trap, ella 3 umfør OL-trap + 1 umfar skeet.

Tann, sum tilsamans hevur rakt flest dúgvur í hesum 4 umførunum, vinnur kappingina.

Byrja verður at skjóta klokkan 09:00, og møtt verður í seinasta lagi kl. 08:30.

Luttøkugjald: 150,00 kr. (íroknað kapping og dúgvur).

Skjúttar kunnu nýta egnar patrónir, sum lúka treytirnar frá SKF, ella keypa patrónir á breytini.

Tilmelding fer fram við at senda ein teldupost til byrsumuli@gmail.com við upplýsingum um navn, møguligt limafelag, og kappingargrein, sum man ynskir at skjóta 3 umfør í (skeet ella trap)

Tilmeldingarfreistin er mikukvøldið 23. mars kl. 20:00

Árligi aðalfundurin hjá felagnum, verður leygardagin 19. februar 2022, kl. 16:00, í felagshølinum á Sandvíkum. Skráin er sambært lógum felagsins.

Ynskjast mál á skrá til “innkomin mál”, skal frágreiðing sendast felagnum á teldupost byrsumuli@gmail.com í seinasta lagi leygardagin 12. februar 2022.

Eftir fundin bjóðar felagið ábit við onkrum góðum afturvið, og av tí at vit skulu keypa inn, hevði verið gott, um teir limir, ið ætla sær at luttaka á aðalfundinum, boða frá við at tilmelda seg við at senda ein teldupost til byrsumuli@gmail.com

Vinarliga
Starvsnevndin

Byrsumúli ynskir øllum okkara limum, skjúttum, stuðlum og áhugaðu fylgjarum annars eitt gott nýggjár og takk fyri alt í undanfarna ári.

Nú hol er sett á 2022, og nýggja breytin er farin at taka endaligt skap, stendur eitt áhugavert skjótiár fyri framman. Okkara vón er, at nýggja breytin er klár at taka í nýtslu einaferð seinni í vár. Um alt gongst eftir ætlan, kunnu vit tá hýsa kappingum í OL-trap, ABT, OL-skeet, English skeet, Nordic trap og Harukappingini. Hetta fer at geva felagnum heilt aðrar møguleikar, bæði at fyriskipa kappingar, men eisini at taka í móti nýggjum skjúttum og fólki, sum hava hug at royna leirdúgvuskjóting til stuttleika.

Vit gleða okkum til at taka í móti tykkum aftur, tá nýggja breytin er klár.

Nevndin

Mikkjalsmessukappingin verður hildin á breytini hjá Eysturskot í Leirvík leygardagin 25. september. Byrja verður at skjóta kl. 9.00. Allir skjúttar skulu møta í seinasta lagi kl. 8.30.

Úrslitini frá kappingini kunnu síggjast her:

https://docs.google.com/spreadsheets/d/10JtnsymzxUWcbe-33eZgPsDgPMbn8wCXNbBohny6nPY/edit?usp=sharing

Mikkjalsmessukappingin hjá Byrsumúla verður í ár hildin á breytini hjá Eysturskot í Leirvík, nú okkara breyt ikki er tøk vegna umbygging. Kappingin verður hildin leygardagin 25. september, kl. 9.00.

Hendan kappingin er seinasta trapkappingin í ár, og hon telur sum tann seinasta við í Føroya Cup, Grandprix og Makkarakappingini hjá SKF. Eisini telur kappingin við í úttøkuni til NSR 2022.

Skotið verður eftir 75 dúgvum. Síðan verður ISSF-finala skotin í Meistarabólkinum og ein 25-skots finala í A-bólkinum.

Tilmelding fer fram við at senda teldupost til byrsumuli@gmail.com í seinasta lagi hósdagin, 23. sept., kl. 19. Kappingargjaldið á 250 kr. skal vera rindað á konto hjá felagnum (9181-515.875.5) í seinasta lagi á middegi 24. sept. 2021.

Starvsnevndin

Byrja verður at skjóta leygardagin 26. juni kl. 9:00. Íðkarar møta í seinasta lagi kl. 8:30.

Úrslit og bólkar: [ Trýst her ]

Leygardagin 26. juni 2021 verður Jóansøkukappingin í trap hildin á breytini í hjá Byrsumúla á Sandvíkum.

Fyrstu 3 innleiðandi umførini telja við í úttøkuni til NSR og í Føroya Cup fyri trap í 2021.
Finalur vera í meistarabólkinum og A-bólkinum, um nóg nógvir luttakarar vera. Finalan verður skotin eftir OL trap reglum, og endaplássið í meistarafinaluni telur við í Grand Prix kappingini fyri trap í 2021.

Byrja verður at skjóta klokkan 09:00, og skjúttar møta í seinasta lagi kl. 08:30.

Prísurin fyri kappingina er 250 kr.

Tilmeldingarfreistin er hóskvøldið 24. juni kl. 20:00.

Tilmelding: [trýst her]

Síggja tilmeldingar: [trýst her]

Nú arbeiðið at byggja nýggju breytina fer í gongd 28. juni, verður farið undir at gera gomlu breytina klára. Vit fara at rudda breytina fyri dúgvubrot og patrónproppar mikudagin 23. juni, kl. 17. Heitt verður á øll, sum hava møguleika til tess, um at koma at hjálpa til.

Breytin verður opin fyri venjing aftur hósdagin í sambandi við seinastu trapkappingina, sum verður leygardagin 26. juni. Aftaná ta kappingina rudda luttakararnir upp eftir sær (dúgvur og proppar).

Breytin verður síðani stongd, til nýggja breytin er klár at taka í nýtslu. Hetta verður vónandi seint í heyst.

Nevndin

Byrjað verður at skjóta leygardagin, kl. 9.00. Skjúttar møta í seinasta lagi kl. 8.30.

Kappingarskipan og úrslitini frá kappingini síggjast á leinkjuni niðanfyri:

https://docs.google.com/spreadsheets/d/1EuyT5AyrY7lC6F2snp09_geJvyLry6_4MTDiCaaB8v4/edit?usp=sharing

Leygardagin 29. mai verður Vármúlakappingin í Trap hildin á breytini í hjá Byrsumúla á Sandvíkum.

Fyrstu 3 innleiðandi umførini telja við í úttøkuni til NSR og í Føroya Cup fyri trap í 2021. Finalur vera í meistarabólkinum og A-bólkinum, um nóg nógvir luttakarar vera. Finalan verður skotin eftir OL trap reglum, og endaplássið í meistarafinaluni telur við í Grand Prix kappingini fyri trap í 2021.

Byrja verður at skjóta klokkan 09:00, og skjúttar møta í seinasta lagi kl. 08:30.

Prísurin fyri kappingina er 250 kr.

Tilmeldingarfreistin er hóskvøldið 27. mai kl. 20:00.

Vinarliga boða frá luttøku við at trýsta á leinkjuna niðanfyri:

https://docs.google.com/forms/d/e/1FAIpQLSfc6tcO93XoDWpQ3jAVGpgPkrB8vvI-W5zLt3Gsq91s9Bgquw/viewform?usp=sf_link

Tilmeldingar síggjast á hesari leinkjuni:

https://docs.google.com/spreadsheets/d/1CLcO3hPDlT-xnfUfTCNJHZj99JaSPh5hF7iDQya1PTc/edit?usp=sharing